DILI, 26 Outobro 2026–Presidente Komisaun Regulador Arte Marsiais (KRAM), Octavio da Conçeição, hateten katak, Lei nu 5/2017, revoga ona ho Lei nu 9/ 2026, 22 de Jullu, Lei ne’e promulga on husi Presidente Republilka (PR), José Ramos Horta
“Komisaun Regulador Arte Marsiais (KRAM) hakarak Informa ba publiku katak, Lei nu 5/2017 revoga ona ho lei nu 9/2026, dia 22 de Jullu, uluk, lei nu 5/2017 ho titulu rejime Juridiku pratika Arte Marsiais, Armas Branka no rama Ambom, no kintu Altersaun ba kodigu Penal, Altera fila fali ho Titulu badak, rejime ensinu aprendisajen Pratika Arte Marsiais, ne’ebé Presidente Republika promulga ona iha 22 jullu 2026 tinan ida ne’e” dehan, Presidente KRAM Octavio da Conçeição ba Jornalista sira iha nia Kna’ar fatin, Salaun Dalan ba Dame
Presidente KRAM relata katak, iha Artigo balun iha lei Nu 9/2026 ne’ebé mensiona mos kona-ba infrasaun sira ne’ebé komete husi Arte Marsiais sira sei aplika koima tuir Grau ne’ebé membru Arte Marsiais sira komete
“Lei ida ne’e mos hatur artigu sira iha lei ne’e nia laran kona-ba sansaun sira liga ho infransaun ne’ebé komete husi membrus Organizasaun, Arte Marsiais hanesan Koima, $.150 boot liu mak vinte mil dolar ($. 20.000) kiik liu $.1.500 to $. 500 boot liu $.1.000 to $. 20.000 depende ba grau ne’ebé membrus organizasaun, Arte Marsiais komete sei aplika tuir grau de Krime” nia hatutan
Nia Informa katak, semana ida ne’e Komisaun Regulador Arte Marsiais, sei realiza enkontru ho Federasaun Silat Timor-Leste ho prepara prosesu atu reativa fila fali atividade pratika Arte Marsiais iha loron 22 Janeiru 2027
“Iha sema ida ne’e laran, Komisaun Regulador Arte Marsiais, sei kontinua konsulida hamutuk ho organizasaun membrus Federasaun Silat Timor Leste Mak hanesan, PSHT, KORK, IKS,PTL, PERCAYADIRI, PRAJEJARAN, SERULIN DEWATA, sei enkontru Konsolidasaun para depois prepara prosesu 90 dias ba Oin to dia 22 de Janeiru ita hahu reativa offisial ba pratika, Arte Marsiais iha ita nia Rain” nia Afirma
Lei Nu 9/2026 hahu aplika ona iha Timor Leste iha 22 Outobro 2026.
Jornalista: Mateus F. de Deus
