Díli, 13 Abril 2026 – Instituto Nasional Kombate HIV-SIDA (INCSIDA) kontinua halo sensibilizasaun moras HIV-SIDA ba Estudante Universidade Nasional Timor Lorosa’e (UNTL) Fakludade Medicina (FM)
Presidente Instituto Nasional Kombate HIV-SIDA, Daniel Marçal hateten, Timor-Leste HIV mak barak SIDA uitoan de’it, tanba ne’e Governu prepara hela Aimoruk HIV hodi halo tratamento ba Pasiente HIV
“Agora iha Timor ne’e ita agradese tanba ema sira HIV mak barak SIDA uitoan de’it ne’e diak, tanba ne’e ita servisu makas atu hasae ema nia konsensia hodi muda atitude sira ne’ebé risku atu labele kona HIV, ita esforsu makas hamutuk ho média sira, oinsa atu lori ema barak ba tes ran tanba barak kona hela HIV, la ba tes ran la hatene sira nia estatus Saúde ne’e prigozu tanba ema barak mate tanba SIDA laos HIV” Dehan Presidente Instituto Nasional Kombate HIV-SIDA (INCSIDA), Daniel Marçal, iha resinto INCSIDA
Nia hatutan, Pontesia ba transmisaun HIV-SIDA boot teb-tebes, tanba ne’e husu ba Estudante sira tenke iha konsiensia katak Sex Livre ne’e estega Futuru no luta inan aman nian
“Potensia ba transmisaun ne’e boot, tanba atividades livre ne’e barak los hirak ne’e ita atu koalia para alin estudante sira bele iha konsensia ida katak, moris ida livre hanesan ne’e estraga o nia futuru, estraga nia futuru, bele dezvoriza tiha luta inan aman nian ba futuru, entaun ita hotu hamutuk luta nafatin fahe informsaun makas para ema sira ba tes ran, kona HIV lalika keta tauk, halo tratamentu Saude diak” hatete Daniel Marçal
Reprezentante Estudante, Jacionario de Jesus Soares, hateten seminariu ne’ebé organiza husi Instituto Nasional Kombate HIV-SIDA (INCSIDA) importante tebes, husi informsaun ne’e garantia hodi hetan pozitivu no sai benefisiu diak ba Sosiedade
“iha Rai ita nia rai doben Timor Leste pasiente ne’ebé mak infrenta HIV-SIDA por volta de 2000 Ital, ho nune’e mak seminariu ida ne’e importante tebes, ami garantia katak husi informsaun ne’ebé ami hetan bele sai benefisiu diak ba iha Sosiedade” nia hakotu
Jornalista : Mateus F. de Deus
