Dili, 15 Setembru 2026-Kandidatu Kadetes Polisia Nasional Timor-Leste (PNTL) hamutuk 12.877 ne’ebé pasa ba dokumnetu kontinua re-teste ba vaga PNTL iha tinan 2026 hodi hein teste tuir mai no hakat ba prova Kultural, maibe husi re-verifikasaun dokumentus ida ne’e sei halo publikasaun iha Jornal da Republika.
Komisariu Prezidente Juri ba re-teste rekrutamentu Vaga PNTL 2026, komisariu Asistente Polisia, José Soares relata rezultadu re-verifikasaun dokumentus kandidatus vaga Polisia Nasional Timor-Leste (PNTL) ne’ebé konklui ona no apresenta ba Komandante Jeral no Ministeriu Interior (MI).
“Sekretariadu halo nia servisu konklui ona reverikasaun dokumentus, apresenta ba komadu Jeral Polisia Nasional Timor-Leste no emvia ona ba iha Ministeriu Interior, instrusaun husi Ministerio Interior tenke publika ona, kumpri ba orientasaun ida ne’e, hahu aban ita sei entrega rezultadu re-verifikasaun dokumentus ba iha Jornal da republika ba Kadindatus 12,877” dehan Presidente Juri ba re-teste rekrutamentu Vaga PNTL 2026, komisariu Asistente Polisia, José Soares iha Komandu Jeral Caicoli Dili
Komisariu Asistente Polisia ne’e Subliña katak, Sekretariadu re-verifikasaun dokumentus kompromete ba Konstitusaun RDTL, durante servisu re-verifikasaun dokumentus ba kandidatus kadetes vaga PNTL 2026 laiha intervensaun husi individu no parte hotu.
“Rezultadu ne’ebé sekretariu halo ita kaer metin ba diploma ministerial no 35/2026, koalia kona-ba Merito transparansia, akontabilidade, kredibilidade, sekreriadu ida ne’e no Juri halo komprisiu ba rai ida ne’e no eroi sira ne’ebe mate ba rai ida ne’e, kompromete ba Konstitusaun, durante ami halo servisu laiha individu mak interven sekretariadu nia servisu, ami nia servisu halo tuir lei no Independente” nia subliña
Presidente Juri ba Re-teste rekrutamentu, Komisariu Asistente Polisia José Soares husu Kandidatus Vaga PNTL 2026, ne’ebé priense rekezitus atu hakat ba prova kultural no husu kandidatus sira atu hare naran iha Munisipiu sira no bele halo reklamasaum iha loron 5 hahu husi data publikasaun nian.
Jornalista: Mateus F. de Deus
