Dili, 24 Setembru 2026 – Kompaña PT Taka Hydrocore Indonesia hala’o atividade survey ba projetu Dalan Kadoras mai Timor-Leste, nu’udar parte husi preparasaun no avaliasaun téknika atu apoia dezenvolvimentu infraestrutura dalan iha Timor-Leste.
Governu Timor-Leste liu husi Ministeriu Petroleo Rekursus Minerais (MPRM) asina akordu ho Kompañia PT. Taka Hydrocore Indonesia, hodi halo Survey ba dalan kadoras husi Bayu Undang no Greater Sunrise mai Timor-Leste durante fulan neen
Ministru Petroleo Rekursus Minerais (MPRM), Francisco da Costa Monteiro hatete, asina akordu ne’e atu permite kompaña nia Ro sira atu halo Survey durante fulan ne’en hodi foti sample kona-ba dalan kadoras atu mai Timor-Leste
“Iha semana ida ne’e ita asina kontratu tolu, atu kontinua estudu detaillu ba investigasaun Marina, ne’ebé imvolve ro ahi sira ba foti Sample sira iha Tasi Timor tuir dalan Kadoras husi Greater Sunrise ho Bayu Undann atu mai Natarbora Timor Leste, ne’ebe ho kontratu ida ne’e permite kompañia ida ne’e atu halo servisu durante fulan 6 nia laran depois orsida rezultadu sira ne’e sei inkorpora fila fali ho dezeñu ba Finalizasaun hodi ikus bele avansa ba konstrusaum no implementasaun ba Projetu sira ne’e ” dehan Ministru Petroleo Rekursus Minerais (MPRM), Francisco da Costa Monteiro, iha Farol Dili
Governante ne’e afirma katak, Survey ne’ebé halo husi Kompañia ne’e atu fo konfiansa ba aban bain rua Investimentu Kadoras mai Timor-Leste
“sira sei ba halo Survey ida iha tasi laran ne’eba hare ba dalan Kodoras Bayu Undan nian no kadoras Greater Sunrise nian, foti sample barbarak hodi halo analiza hodi bele hatene didiak dalan Kadoras atu liu ne’e keta iha risku ruma karik, keta halo rai ruma potensia atu monu, husi sira nia investigasaun ne’e foti dadus ne’e analiza fila fali matan didiak hodi fatin ne’e keta rai nakdoko karik bele monu, maibe ho sira survey ne’e ita dehan rai ne la monu, ne’e espesializadu teb-tebes, bele fo konfiansa makas liu tan ba ivestimentu aban bain rua Kadoras mai Timor-Leste” nia hakotu
Diretor Kompaña PT, Taka Hydrocore Indonesia Kumayantri Adikara afirma, projetu ne’ebé atu halo servisu ne’e ho naran light Geotechnical Survey, Projetu ne’e importante ba Timor-Leste no iha kometimentu finaliza Projetu ne’e ho Profesional, no husu suporta husi parte hotu atu projetu ne’e bele lao ho diak
Orsamentu ba atividade refere ho montante 10 milaun dolar ital
Jornalista: Mateus Felisberto de Deus
