MANUFAHI, 13 Jullu 2026 – Munisípiu Manufahi regista kazu HIV hamutuk ema 45, tanba ne’e Instituto Nasional kombate HIV-SIDA (INCSIDA), halo sensibilizasun hodi fahe informasaun kona-ba transmisaun Virus HIV-SIDA ne’ebé sai problema iha mundial nune’e INCSIDA partilla informasaun ba Juventude no Inan Aman sira iha Igreja Evangelica Presbiteriana Sarani Imanuel Same
iha sensibilizasaun ne’e Presidente Instituto Nasional kombate HIV-SIDA (INCSIDA), Daniel Marçal hatete, atividade atu fanu ema hotu tanba ema ne’ebé afetadu liu ona rihun rua atus neen resin, inklui Manu-Fahi iha 45
“Atividade ne’e importante tebes atu fanun ema hotu, atu labele toba dukur tanba agora Timor tomak ne’e HIV ne’e iha 2600 inklui same nian 45, ne’ebé agora ita objetivu rua, ida ita halo para ema labele kona-ba HIV, segundu, ema tenke ba tes ran lalais, para ita bele halo intervensaun lalais ba fase HIV para ema labele kona SIDA, tanba ema mate ne’e la’ós tanba HIV, ema mate ne’e tanba SIDA” Dehan Presidente INCSIDA, Daniel Marçal iha Manufahi
Nia informa, ema hotu lakohi atu kona moras HIV-SIDA, maibe sira menus Informasaun, husi atividade sensibilizasaun ne’e halo iha fatin-fatin hodi bele redús Transmisaun Virus HIV-SIDA, no sidadaun 45 husi Municipio Manu-Fahi ne’ebé afeta ba HIV agora daudaun hetan ona tratamentu iha Hosptal Same
“Ema hotu-hotu lakohi kona HIV, tanba de’it laiha koneñesimentu ne’ebé ho ita nia atividade la’ós ba fatin hotu ita fó hanoin ba ema dalan ne’ebé transmisaun HIV, oinsa atu taka dalan ne’e, ho informasaun sira ne’e hotu, iha redusaun rua, redusaun ba potensiál HIV, segundu ema hotu hetan tratamentu, iha Same kazu 45 hotu- hotu hetan tratamentu ne’e di’ak, ha’u dehan buat ida di’ak ne’e ema halo tratamentu di’ak bele kona HIV maibe moris naruk” nia hakotu
Iha fatin hanesan representa Presidente Autoridade Munisipiu Manu-Fahi, Sekretariu Asunto Sosiál, Aleixo de Deus , loke abertura ba atividade sensibilizasaun husi INCSIDA ne’e husu ba komunidade sira hotu karik iha Sintomas ruma tenke ba konsulta iha Hospital hodi hatene tuir Moras
“Moras ida ne’e ita Manu-Fahi iha ona 45, segundu mak senti an sintoma ida ne’e di’ak liu ba iha Hospital para, hatete ba doutor no doutora sira konsulta tok hau karik iha moras ida ne’e, bele halo tratamentu, tanba importante ” nia dehan
Hanesan estudante Cafe Same, Falvidia Lemos Pereira, hatete partisipa iha atividade sensibilizasaun Virus HIV-SIDA ne’e husu Joven sira la bele ransu livre maibe tenke kuidadu an atu bele goza vida Joven iha Futuru
“Ita bele ransu livre maibe tenke kuidadu ita nia a’an, ha’u sei fó hanoin ba kolega sira atu labele hakotu sira dalan ba futuru, mensajen ba kolega sira kuidadu imi nia aan didi’ak atu nune’e ba iha Futuru ini bele goza” dehan estudante Cafe Same Flavidia
Iha atividade refere hetan partisipasaun husi representante Presidente Autoridade Munisipiu Manu-Fahi, Representante Administradór Posto, Autoridade Seguransa no Inan Aman sira inklui Joven sira husi Igreja Protestante Same
Jornalista: Mateus F. de Deus
