Díli, 13 Abril 2026 – Amo parokia Balide Angelo Salsinha hateten, THS-THM existe ona tinan 24 ona maibe la komete violensia tanba laos organizasaun Arte Marsiais maibe ne’e husi organizasaun Igreja nian
“THS-THM ne’e durante vinte kuatru (24) anos existensia zero violensia, katak fini diak iha imi ida-idak THS-THM ne’e barak teb-tebes, maibe la organiza dadauk hanesan ne’e, laiha inisiativa laiha kreatividade, laiha Inovasaun, ita nia eventu ida ne’e hanesan eventu Nasional” dehan Amo parokia Balide Angelo Salsinha, iha abertura atividade jogu Futsal CUP THS-THM iha Kuartel Jeral Polisia Militar kintal boot
Bibi Atan ne’e hatutan, jinastika ne’ebé Oraganizasun Tunggal Hati Seminari-Tunggal Hati Maria (THS-THM) halo oinsa atu hatene Jogu no fo Gloria ba maromak no Igreja
“Senam sira ne’ebé ita halo ne’e, halo para ita fó gloria ba maromak fó gloria ba ita nia rain doben Timor-Leste, fó gloria ba ita nia povu, fó gloria ba ita nia Igreja, senam ne’e lori ita ba ida ne’e, tanba ne’e ita laos Arte Marsiais, ita joven ida ne’ebé sai masin no naroman,” nia hatutan
Nia afirma, husi Jogu Futsal ne’e bele ajuda membru THS-THM sira atu hatene diak liu tan Jinastika sira ne’ebé durante aprende ona
“Jogu sira halo imi komprende liu tan senam sira ne’ebé durante imi lao, senam hirak ne’e tenke espresa iha atitude, iha atividade konkretu, atu ita komprende Tungal Hati Seminari, Tungal Hati Maria ida de’it, THS-THM laiha tan rua ida de’it tuir ita nia fiar” nia hakotu
Jornalista : Mateus F. de Deus
