Dili, 19 Outobro 2026–Polísia Nasionál Timor-Leste (PNTL) halo prosesu investigasaun kona-ba kazu mate sidadaun Xina ida ne’ebé akontese iha área Tasi-Tolu, Munisípiu Dili, Postu Administrativu Dom Aleixo
Komandante PNTL, Munisipiu Dili, Asistente Komisariu Polisia, Orlando Gomes, Informa, Polisia Eskudra Dom Aleixo simu informasaun iha Oras 07: 00 kona-ba kazu mate isin ida iha Tasi-Tolu ekipa Patrollamentu to kedas iha fatin hodi asegura Lokal do krime no transporta ba Hospital Nasional Guidu Valadares (HNGV) hodi prosesu Autopsia.
“Ita asegura kedas lokal krime no kontaktu ekipa forénsika. Depois, ekipa ne’e lori isin mate ba morgue HNGV atu halo autópsia,”dehan Komandante PNTL Munisípiu Díli, iha nia kna’ar fatin Eskuadra Dom Aleio Ai-Mutin Dili
Komandante Munisipiu Dili hatutan katak, Polisia Nasional Timor Leste (PNTL) Eskuadra Dom Aleixo bolu ona Matebian nia feen ho rekolla informasaun, no Sasin sira hodi rona informasaun kona-ba kazu ne’e, hodi nune’e aprezenta ba Ministeriu Publiku (MP), bainhira prosesu autopsia ne’e remata
“Ita bolu ona matebian nia feen ba Eskuadra Dom Alexo atu rekolla informasaun. Ita sei bolu tan testemuña sira atu rona informasaun kona-ba kazu ne’e dadaun ne’e, kazu sei iha prosesu investigasaun. Ita seidauk bele konfirma kauza mate. Polísia sei rekolla informasaun hotu no aprezenta ba (MP)” nia Afirma
Ana Paula dos Santos hanesan feen husi Matebian hateten, sira sei han kalan hamutuk ho nia laen no oan sira hotu mak nia feen sai ba viziñu nia uma fila mai matebian ne’e la iha ona iha uma laran nia feen lahatene matebian ba ne’ebé entaun sira komesa buka iha Tasi Ibun no Aikakeu laran maibe la konsege hetan
“Hori kalan ami han hamutuk, no matebian tuur hela ho nia oan na’in rua. Hafoin, hau sai ba vizinhu. Bainhira hau fila, nia la iha ona, entaun hau bolu hau nia oan sira atu buka nia. Ami buka iha rai-hun no to’o tasi ibun Kakeu, maibé la hetan. Depois, ami fila fali ba uma” informa Ana Paula
Nu’udar Feen lahatene kauza husi nia laen nia mate tanba ne’e husu parte kompetente atu halo Investigasaun ba Kazu ne’e liu husi Prosesu autopsia atu bele determina kauza mate tuir prosedimentu legál.
Matebian hanesan sidadaun Xina ho idade 56 servisu hanesan Karpinteiru, matebian mate husik hela feen ho oan nain tolu
Jornalista: Mateus F. de Deus
