Dili, 22 Juñu 2026-Polísia Nasional Timor-Leste (PNTL) Komandu Munisípiu Dili hetan ona orientasaun husi komando Jeral hodi prepara planu seguransa operasaun atu simu Saudozo Eis Presidente Republika Francisco Guterres “Lu-olo” too iha nia residensia Farol no sei halo operasaun iha tempu lutu nasional durante semana ida nia laran la iha barullu hotu-hotu hakmatek.
Komandante Operasaun Polísia Nasionál Timor-Leste (PNTL) Munisípiu Dili Superintendente Asistente Polísia, Luis Amaral hatete, sei tuir orientasaun ne’ebé sai ona hodi halo operasaun iha fatin-fatin liu-liu ba kopa mundial ne’ebé dadaun ne’e lao hela, nune’e PNTL halo patrulla la iha barulhu
“Tuir Orientesaun ne’ebé mak fo sai ona ami sei halo operasaun iha fati-fatin liliu ba jogus kopa mundial nian ami sei halo patroleu nafatin bele nonton ou asiste maibé labele halo baruliu tanba ne’e ita nia heroi nasional ne’ebé ita hotu hatoo ita nia sentidu kondelensia ba ita nia aman nasaun nia”, dehan Superintendente Asistente Polísia Luis Amaral ba jornalista sira iha Saudozu Francisco Guterres “Lu-olo nia residensia Farol, segunda-feira (22/02026)
Nia dehan, Komandu Munisipiu Dili prontu simu orintesaun husi parte Governu nomos Komandu Jeral atu hapara atividade ne’ebé halao iha dili laran durante semana ida.
Enkuantu, Komandu Operasaun PNTL Luis Amaral husu ba joven sira bele asiste jogu kopa mundial maibé labele halo barullu tanba ne’e lutu nasional ne’ebé dekreta ona husi konsellu Ministru hodi hotu-hotu hakmatek iha semana ida nia laran
Polisia iha dever atu fo hateten ba komunidade sira karik toka musika hatun volume labele sae makas no ba fatin karaoke ne’ebé iha dili laran mos parte seguransa sei tun halo operasaun iha fatin refere
Jornalista: Aniceto da Silva
