Dili, 22 De Setembru 2026–Asosisaun Rede Soru Nain husi munisipiu 13 Inklui RAEOA tuir Workshop ne’ebé fasilita husi UN WOMEN, TIMOR AID hodi aumenta Soru nain sira nia abilidade ho transforma produto ida ba produtu seluk
Diretora Asosiasaun Soru Na’in, Maria Ceo Lopes hatete, konaba Rede soru nain ne’ebé iha Munisipiu 14 ne’e buka dalan atu dezenvolve sira nia koñesimentu no abilidade liu-liu ba produto suru tais nian.
“Rede Soru na’in iha Munisípiu 14 ami buka dalan para dezenvolve sira nia abilidade sorin no mós suku halo Diversfikasaun liuliu produtu tais hanesan karteira Bolsa Boneka buat buat seluk tan,Entaun liu husi Workshop ne’e liliu ba Diversfikasaun ba produtu tais trasnforma ba Buat sira seluk” dehan Diretora Asosiasaun Soru nain, Maria Ceo Lopes iha Salaun São Paulu II Komoro
Nia hatutan, Asosiasaun Rede Soru Nain ne’e hari husi Fundasaun Alola no Timor Aid parseiru mos ho UN Women, halo ona peskiza no dokumentasaun hodi hari Museum Tais nian atu preserva liman fatin Beiala sira nian
“Timor Aid ho Fundasaun Alola halo parseiru ho UN Women hodi hari Asosiasaun Rede Soru na’in maibe Timor Aid nian parte kultura ami tinan 24 servisu konaba tais primeiru halo peskiza halo dokumentasaun, halo koleksaun tais Timor Aid hetan tais atus haat resin halo museun ba Povu Timor hodi hare ba beiala sira nia liman fatin” nia hatutanReprezentante Sekretaria Estadu Igualidade Jeneru (SEI), Olga Monteiro, afirma diskursu husi Sekretaria Estadu Igualidade Jeneru, Elvina Sousa Carbalho, konsidera liu husi workshop ne’e bele hasae abilidade koñesimentu Soru nain sira nian hodi aumenta rendimentu ekonomia.
“feto sira atu deskobre sira nia kapasidade no aumenta sira nia rendimentu no sai depedente liu tan iha vida ekonomia no sosial liu husi parseria ida ne’e la’o hakbiit de’it feto sira iha ekonomia maibé fó oportunidade ba soru na’in sira atu hasae sira nia kapasidade, koñesimentu no abilidade téknika sira” nia afirma
Iha workshop refere Kada Munisipiu representante, Rede Asosiasaun Rede Soru Nain ema nain rua mak representa tuir hodi hetan formsaun durante loron haat, liga liu ba transformasaun produz Tais Timor
Jornalista: Mateus F. de Deus
