Díli, 8 Abril 2026 – Sekretariu Estadu Asunto Toponomia Organizsaun Urbana (SEATOU) ho Ministeriu Obras Publika (MOP) halo enkontru ho komunidade Suku Manleuana ne’ebé afetadu ba Alargamentu Estrada husi Manleuana to Rate Ain, fo tempu fulan tolu hodi hamamuk fatin
Komunidade Afetadu, Evangelino Soares Amaral, husu Ministeriu Obras Publika (MOP) no Sekretariu Estadu Asunto Toponomia Organizasaun Urbana (SEATOU) atu hare didiak fila fali Dezeñu ba Alargamentu estrada Manleu ba to Rate Ain, tau liu husi Eskola Canossa nia kotuk tamba rai Mamuk hela la kona komunidade barak uma
“Hau aseita dalan ne’ebé uluk Sekretariu Estrada rasik señor Ministru rasik ita hotu tur iha ne’e enkontru ho povu Manleuana katak, dalan ne’e, dalan ne’e halai tuir Moru Canossa mai to mai Rate Ain, ita boot sira hare mapa ne’e didiak se halai tuir moru Canossa dalan Rai ne’e Mamuk” dehan Komunidade Afetadu, Evangelino Soares Amaral iha sede Suku Manleuana
Iha fatin hanesan komunidade afetadu husi Rate Ain Cristiana Da Costa, hateten prontu atu kopera ba maibe husu Ministeriu Obras Publiku (MOP) no Sekretariu Estadu Asunto Toponomia Organizasaun Urbana (SEATOU) atu fo tempu hodi buka fatin hela, no oinsa ba komunidade nia direitu, antes ekipa sobu
“Koalia kona-ba dezemvolvimentu hanesan sidadaun ami prontu kopera, Sua Exilencia hau uza tempu ne’ebé naruk hodi halo uma ida ne’e, oinsa fó netik tempu mai, ami halo prosesu naruk maibe Tinta Mean ba tau x trator ba hamrik la to oras uma bele monu, Sua Exilensia iha ne’e hanoin ba ami nia direitu oinsa”
Sekretariu Estadu Asunto Toponomia Organizasaun Urbana (SEATOU) Germano Santa Brites hatan ba preokupasaun komunidade nian, alargamentu ba Estrada husi Rotunda Elemloi to rate ain enkotru tiha ona iha 2025, Dezeñu ne’ebé aprva sae mai ne’e fiksu ona ne’ebé ekipa SEATOU impleta de’it servisu
“Relasiona ho alargamentu Estrada, iha 2025 ita enkontru ona iha ne’e katak, katak alargamentu estrada husi bundarang Elemloi to Rate ain, dezeñu ida ne’ebé aprova sae mai ne’e fiksu husi leten tun mai, SEATOU ne’e implementa deit servisu, dezeñu ne’ebé fiksu ona hau husu kopera, hahu ohin to dia 15 de jullu ida idak hare nia kalen besi arus odamatan matan bele sobu dadauk ona, dadus ida orsida ka aban sira foti lori ba prosesu ona fulan ida fulan ka rua tama tuir tempu ne’ebé ita fó ne’e, ita mai halo servisu” nia hakotu
Jornalista : Mateus F. de Deus
