Dili, 01 Setembru 2026–Eis Primeiru-Ministru Taur Mata-Ruak konsidera Bispo na’in tolu nia kontribuisaun ba Timor-Leste no mós luta ne’e importante ba istória igreja nian iha Timor-Leste.
Eis Primeiru-Ministru, Taur Matan Ruak hatete, senti kontenti hodi partisipa iha serimonia ne’e tanba bispo nain tolu ne’e importante ba istória igreja iha Timor-Leste no mós luta libertasaun nasionál.
“Primeiru lugar ha’u kontenti los, partispa iha serimónia importante ida ne’e ne’ebé mak lori fila fali mai ita nia rai, amo bispo na’in tolu importante los ba ita nia istória igreja nia iha Timor, liu-liu Dom Jaime Gracia Gaulart, José Joaquim Ribeiro Monsenor Martinho da Costa Lopes, ne’ebé ho nia kontribuisaun mak ita nia luta no mós ita la haluha iha ne’e ita nia Amo bispo matebian Dom Ricardo mós nia restu mortais iha ne’e,” dehan Eis Primeiru-Ministru Taur Mata-Ruak ba Jornalista sira hafoin partisipa misa iha Tasi-tolu
Nia dehan, Mons. Martinho mos kontaktu diak ho Komandante Xefe Kay Rala Xanana Gusmão, tanba nia mos fo kontribuisaun makas ba Timor-Leste nia luta no mos divulga mos informasaun ne’ebé relasaun ho akontesimentu iha Timor-Leste ne’e.
“Dom Martinho iha kontaktu di’ak ho komandante Xefe, atuál Primeiru-Ministru Xanana Gusmao i nia fó nia kontribuisaun makaas ba ita nia rai, ita nia luta liu-liu divulga infomasaun sira ne’ebé iha relasaun ho akontesimentu sira ne’ebé mak iha ita nia rai laran, tanba ida ne’e duni mak hasai nia husi Timor, nian pasa momentu difisil iha Portugál to’o nian mate, entaun Timor ona sira hotu-hotu ita agradese ba nian kontribuisaun ba ita nia rain” Nia Konklui.
Jornalista: Aniceto da Silva
