Díli, 13 Abril 2026 – Ajensia Zeus Travel Julio hamutuk ho Pe. Paroquia Balide Angelo Salsinha Halo Abertura ba ba Jogu Futsal Balide Season 1 CUP atividade ne’e realiza iha Kampu Futsal Quartel Jeral Polisia Miltar Quintal boot Dili
Iha abertura jogu refere CEO Ajensia Zeus Travel, Julio Pinto Oliveira hateten, Jogu iha manan no lakon, ne’ebé lakon signifika esforsu tan iha jogu tuir mai, Ajensia Zeus Travel prontu hodi fó apoiu
“Jogu ida ne’e laos se mak manan se mak atu lakon, maibe Jogu ida ne’e parese imi hotu hotu hakarak manan, maibe iha jogu tenke iha ida lakon, sira ne’ebé lakon la signifika la lakon ba Jogu, lakon ne’e hanesan inisiu ida atu nune’e imi bele esforsu manan iha loron tuir mai, Zeus Travel prontu nafatin apoiu laos deit atividade desportu, ba oin iha atividade seluk ami prontu apoiu” dehan CEO Zeus Travel, Julio Pinto Oliveira iha Salaun Futsal Polisia Militar (PM) kintal boot
Pe. Paroquia Balide, Angelo Salsinha Subliña katak, husi Jogu futsal ne’e atu aumenta tan Jinastika ne’ebé durante ne’e membru THS-THM sira aprende no husu atu dezenvolve tan musik, basketball no Voleiball
“Jogu sira ne’e halo imi komprende liu tan Jinastika sira ne’ebé durante imi lao jinastika hirak ne’e tenke espresa iha atividade konkretu, imi hahu ona ho futsal mai tan tenke iha musika, basket voli no sira seluk tan ne’ebé mak ita tenke dezenvolve, dala ida tan parabens ba imi manan ka lakon imi hahu, labele para, ba oin ita hamutuk fó liman ba malu, ami hotu hamutuk ho imi, atu imi komprende THS-THM ida deit” Dehan Pe. Angelo Salsinha
Presidente komisaun Oraganizadora ba Jogu Balide Season 1 CUP, Osvaldo da Cruz Amaral hateten, objetivu husi Jogu ne’e atu halibur fila fali ba Membru THS-THM sira ne’ebé durante ne’e la ativu
“Objetivu prinsipal husi realiza atividade ne’e atu akumula membru THS-THM sira hotu Distrital Dili nian, durante atividade barak mak paradu ne’ebé sira barak mak la ativu, realiza Jogu futsal ida ne’e oinsa ida idak tuir kopetisaun jogu ida ne’e tuir ida idak nia Paroquia hanesan ranting, objetivu oinsa mak sira durante ne’e pasibu hela karik bele ativu fali hodi harame sira Paroquia” dehan Osvaldo
Presidente komisaun ba eventu CUP Balide Season 1 ne’e fo nia agradese tomak ba Ajensia Zeust Travel, ne’ebé apoiu ona osan ho montante $ 2000 ba atividade ne’e, iha jogu ne’e partispa husi Klubu hamutuk 21 ne’ebé Klubu mane hamutuk 16 no Klubu feto hamutuk 5, Jogo ne’e refere deit ba membru THS-THM sira.
Jornalista : Mateus F. de Deus
Agradese ba Ekipa Media bele Koberta ona Abertura Jogu Amizade THS-THM Balide CUP Season 1
Pingback: Ajensia Zeus Travel Ho Pe. Parokia Balide Abertura Jogu Futsal ba Membru THS-THM – Zeus Travel