Dili 15 Maio 2026-Eis Primeiru-Ministru, Mari Bin Amudi Alkatiri akompaña husi ofisial Tribunal Rekursus hodi sobu kalen ne’ebé antes ne’e Lourdes Menezes didin iha rai Metin III Bebonuk ne’ebé tuir desizaun Tribunal nian hodi halo los baliza ba rai ne’ebé durante Lourdes Menezes okupa
Rai ne’ebé Eis Primeiru-Ministru Mari Alkateri foti fila husi Lourdes Menezes, ne’e rai mamuk ne’ebé mak durante ne’e Lourdes Menezes okupa laos uma ne’ebé Lourdes Menezes hela ba
Iha fatin ne’e parte Advogado husi Lourdes Menezes nia Advogado Octavio Cardozu halo intervensaun iha prosesu ne’e hodi hapara tractor ne’ebé halao hela servisu hodi sobu kalen hirak ne’ebé okupante Lourdes Menezes didin haleu iha rai Metin III Bebonuk
Enkuantu iha intervensaun ne’e advogado Octavio Cardozu hetan reasaun husi Mari Alkatiri no atual Deputada Nurima Ribeiro Alkatri, hodi hamosu dezentendimentu entre Mari Alkatiri ho Advogado Octavio Cardozu husi Lourdes Menezez nian
Maibe situasaun ne’e lao normal fila fali bainhira advogado husi okupante Lourdes Menezes Octavio Cardozu kopera ho ofisial husi tribunal rekursru no mos Mari Alkatiri hodi hatudu baliza ba operator hodi kontinua halo servisu
Tuir observasaun jornalista Zeus News iha terenu nota katak iha prosesu tau baliza ba rai entre Mari Alkatiri ho Lourdes Menezes ne’e hetan seguransa husi Polisia Nasional Timor-Leste (PNTL)
Jornalista: Mateus F. de Deus
