Díli 18 Maiu 2026-Musika Pelas Ruas De Dili ofisialment lori husi Artista Señior Antonio Dos Santos de Matos’ ho naran famozu “Anito Matos” ne’ebé musika ne’e nu’udar musika Indústria iha Timor-Leste nune’e prepara hodi simu obra foun no musika lokal ho kualidade internasional
Husi Musika ne’e halo kolaborasaun ho Zeus Legacy Records ne’ebé Rotulu ka LABEL ne’e representa husi Eligio Moniz do Rego nu’udar sai produtor ezekutivu ne’ebé obra kolaborativu no eskala boot ho nomeadamentu single foun ho titulu Musika “Pelas Ruas de Dili”
Single “Pelas Ruas de Dili” atu reprezenta vizaun boot hosi Zeus Legacy Records nian, ho tagline “Where Local Sounds Meet Global Beats”, múzika nia produsaun sei kahur arranju modernu ne’ebé dinámiku ho rikeza múzika lokál Timor-Leste nian ho lingua portugés.
Produtór Ezekutivu Zeus Legacy Records, Eligio Moniz do Rego, espresa nia otimizmu no entuziazmu ba projetu dahuluk ne’e hamutuk ho artista seniór ne’e hodi lori musika Pelas Ruas de Dili ne’e nu’udar musika husi natureza Timor nian ba Internasional
“Orgullu tebes bele lori artista seniór António Dos Santos de Matos tama iha família Zeus Legacy Records hanesan onra boot ida. Liuhosi múzika :Pelas Ruas de Díli”, ami hakarak lori rona-na’in sira halo viajen liuhosi beleza sidade Díli nian la’ós de’it liuhosi letra sira, maibé mós liuhosi esperimentu audio no vídeo. Ami sei kombina ho ritmu urbanu sira ne’ebé modernu hosi múzika lokál. Ida ne’e hanesan pasu konkretu ida ba ami atu lori múzika lokál ba palku mundiál”, tenik Eligio Moniz do Rego
Artista Señior António Dos Santos de Matos, hato’o nia apresiasaun ba Zeus Legacy Records nia kompromisu tomak, nu’udar artista ida ne’ebé dedika ona nia moris ba mundu kanta nian, hare husi Zeus Legacy Records hanesan plataforma perfeitu ba jerasaun foun no jerasaun seniór sira atu esplora posibilidade kriativu sira ne’ebé laiha limitasaun.
Enkuantu musika Pelas Raus de Dili ligasaun emosinal ne’ebé klean tebes tanba musika lokal ne’ebé ekipa husi Zeus Legacy Records inisiativa loke padraun audio kualidade ba mundu internasional
“Single ‘Pelas Ruas de Díli’ iha ligasaun emosionál ne’ebé kle’an tebes mai ha’u, ha’u kontente tebes tanba Eligio ho ekipa tomak iha Zeus Legacy Records fahe vizaun hanesan hodi prezerva ligasaun múzika lokál ne’e enkuantu aprezenta nafatin ho padraun kualidade áudiu internasionál,” dehan António.
Iha kontratu ne’ebé asina ho Zeus Legacy Records afirma nia kompromisu atu fornese apoiu profisionál no kompletu. Zeus Legacy Records sei kobre 100% hosi kustu produsaun tomak, hahú hosi arranju múzika sira no sesaun sira gravasaun nian iha estúdiu, mixing no mastering, to’o kriasaun video klip sinematográfiku ida ne’ebé sei foti paizajen furak sidade Dili.
Produsaun ba single “Pelas Ruas de Dili” tuir planu sei hahú iha tempu badak ho produsaun ofisiál áudiu no vídeo nian planeia atu fó sai simultaneamente iha plataforma oioin streaming dijitál globál nian no kanál vizuál ofisiál Zeus Legacy Records iha fulan-Juñu nia rohan.
Media Zeus News
