Dili, 28 Jullu 2026-Porta-vóz Komandu Jeral PNTL, Superintendente Xefe Polísia, João Belo dos Reis Informa, Imigrasaun hamutuk ho Servisu Informsaun, no Diresaun Sientifiku Investigasaun Kriminal (DSIK) halo operasaun hodi kaptura sidadaun Estranjeiru nain 62 ne’ebé deskonfia komete kazu Scam Call Center sidadaun hirak ne’e kompostu husi, Indonesia 28, China 33 Índia 1
“Horikalan ekipa Imigrasaun servisu hamutuk ho Servisu Informsaun nomos DSIK ninian, halo Operasaun ida iha Parte Comoro ita Deskonfia fatin ida ne’ebé halo Scam call Center ita kaputura sidadaun Estranjeiru hamutuk 62, ne’ebé kompostu husi sidadaun Indonesia hamutuk 28 sidadaun China Hamutuk 33 no Sidadaun Índia nain ida, agora daudaun prosesu Indentifikasaun ba sira lao hela, espera katak iha tempu badak ita sei aprezenta sira ba Ministeriu Publiku,” dehan Porta-vós Komandu Jeral PNTL, Superintendente Xefe Polísia, João Belo dos Reis, iha Komandu Jeral Caicoli Dili
João Belo dos Reis apela ba Rede Krime Internasional, Timor-Leste la’ós fatin seguru atu halo atividade Elisitos sira
“Ami hakarak manda mensajen klaru ba Rede Krime Internasional, Timor-Leste laos rai ida ne’ebé seguru ba sira atu halo Operasaun atividade Krime iha ne’e ema ne’ebé tenta atu uza ita nia Teritoriu, ita nia tasi ba sira nia espasu Dizital, atu halo sira nia atividade Elisito sira, ita sei hetan resposta ne’ebé firmi kordenada no aplikabel ho ita nia forsa Seguransa sira” Nia Afirma
Portavós PNTL kamandu Jeral ne’e agradese ba parseiru Instituisaun servisu sira, hanesan servisu Imigrasaun, Servisu Informsaun, Autoridade Maritima, Autoridade Audineira, Forsa Defesa Timor-Leste (FDTL) ba Servisu kordenasaun diak tomak hodi responde ba Krime transnasional sira iha teritoriu laran tomak
João Belo dos Reis Informa katak, total sidadaun Estranjeiru sira ne’ebé Polisia Nasional Timor-Leste (PNTL) kaptura ona liga ho jogu online Scam call Center hamutuk 400 resin.
Jornalista: Mateus F. de Deus
