Dili, 06 Agostu 2026-Ekipa konjunta PNTL liu husi Diresaun Sientifiku Investigativu Kriminal (DSIK) hamutuk Diresaun Servisu Informasaun Polisia (DSIP) no Servisu Migrasaun (SM) iha loron kinta ne’e desmantela Sidadaun estranjeiru nain 15 kompostu husi Filipina nain 2 sidadaun Xineza nain 13. Sidadaun estranjeiru sira ne’e envolve kazu Scaming Call Center iha aréa metiaut Suku Bidau Santana, Postu Administrativu Cristu Rei, Munisípiu Dili.
Iha operasaun konjunta ne’e seguransa sira buska iha tuku 8:00 otl no ekipa konsege halo kapturasaun ba sidadaun estranjeiru nain 15 ho feto 3.
Tuir observasaun Jornalista Zeus News iha terenu katak, durante iha operasaun autoridade seguransa rekolla evidénsia balun ligadu ho Scaming Call Center mak starlink 2 no pasaporte 13 kadeira 50 meza 9 no balu sira sobu ona inklui sasan sira ne’ebé liga ho atividade Jogu Online Scaming Call Center ne’e.
Sidadaun estranjeiru arenda uma rua no kuartu hamutuk lima maibe kada kuartu sira instala kama neen balun iha kama sanulu resin rua hodi halo atividade jogu online scaming call center ne’e.
Ekipa konjunta mos halo apreensaun ba kareta ne’ebé xineza sira uja hodi halo movimentasaun ne’e sapa matrikula C.125xx.TL.
iha fatin ne’e mos ekipa operasaun detekta sidadaun Xinesa nain ida iha karta kondusaun Timor-Leste nian ne’ebe emitada loron 5 fulan agostu 2026 validu to’o loron 5 Agostu 2031.
Enkuantu iha operasaun ne’e ekipa konjunta desmantela sidadaun estranjeiru sira ne’e hodi transporta kedan ba Komandu Jeral Caicoli Dili, hodi prosesu identifikasaun no detensaun.
Jornalsita: Aniceto da Silva
