Dili, 03 Agosto 2026–Konferderasaun Sindikatu Timor Leste, (KSTL) halo lansamentu ba Aplikasaun Sistema Jestaun Keixa, objetivu husi aplikasaun ne’e atu ajuda traballador sira bele halo keixa liu husi online bainhira hetan problema iha servisu fatin ho empregador sira.
Presidente Sindikatu Timor Leste (KSTL), Almeiro Vila Nova hatete, lansamentu Sistema Aplikasaun Jestaun Keixa ne’e laos lasamentu Teknolojia, maibe aplikasaun ne’e hanesan luta foun ida husi Konfederasaun Sindikatu Timor-Leste (KSTL) nian hodi halo traballador sira halo keixa liu husi online.
“Lansamentu aplikasaun sistema Jestaun keixa ne’e, laos de’it atu halo lansamentu ba teknojia ida, maibe ida ne’e nu’udar marka foun iha istoria Luta ita nian, ne’e nu’udar realidade husi komprimisiu KSTL atu moderniza no fortalese sistema manesa keixa atu sai efetivu no dokumentariu ho diak” dehan Presidente Sindikatu Timor Leste (KSTL), Almeiro Vila Nova, iha Timor Plaza Suai Room
Presidente KSTL dehan, aplikasaun ne’e, sei rejista kazu traballador sira nian no tuir prosedimentu ho organizadu nune’e traballador sira bele halo keixa bainhira empregador sira halo violasaun ba direitu traballador nian.
“Aplikasaun ne’e sei permite kada keixa rejista ho organizado prosesu tuir prosedimentu ne’ebé klaru no bele monitoriza ho transparante, no fo asesu ne’ebé fasil ba traballador sira atu hato’o keixa kona-ba violasaun direitu traballador nian, ho teknolojia ne’e ita garante katak, laiha tan lian traballador ne’ebé ema la rona” dehan Presidente KSTL
Diretor Ezekutivu, Sekretariu Estadu Formasaun Profisional no Empregu (SEFOPE), Paulo Alves, nia apresia ba Konfederasaun Sindikatu Timor-Leste (KSTL) ne’ebé kria ona aplikasaun Sistema Jestaun Keixa hodi tulun traballador sira halo keixa baihnita hetan problema ruma iha servisu fatin no husu KSTL, atu fo formasaun ba traballador sira oinsa mak atu utiliza sistema ne’e
“Apresia tebes ho ita boot sira nia Sitema foun ida ne’e, espera katak, sistema ne’e bele tulun maluk servisu nain sira, ohin hau koalia ho presidente KSTL, fo treinamentu ba sira oinsa mak bele uza sistema aplikasaun foun ida ne’e” Dehan Paulo Alve Reprezentante SEFOPE
Atividade lansamentu ne’e hala’o iha Suia Room Timor Plaza Dili no hetan partisipasaun husi reprezentante CCITL no mos Reprezentante ILO mos traballdor sira inklui Funsionariu KSTL.
Jornalista: Mateus F. de Deus
