Dili, 17 Setembru 2026- Polsia NasionaL Timor- Leste (PNTL) liuhusi Diresaun Servisu Investigasaun Kriminấl (DSIK) ne’ebé ezekuta mandadu Tribunắl hodi halo buska, apreensaun no kapturasaun ba sidadaun estranjeiru husi nasionalidade Australia ho naran Inisial HMP ne’ebé kaptura iha Munisipiu Aileu, tanba komete kazu no suspeita ba kazu droga.
Ekipa konjunta halo ezekusaun ba mandadu kapturasaun husi parte PNTL hodi halo buska no apreensaun ba suspeitu iha oras 10:00 Otl iha Munisipiu Aileu, Postu-Administrativu Aileu Villa, Suku Malere, Aldeia Tularema.
Tanba ne’e, hafoin kaptura sidadaun estranjeiru ho ekipa Diresaun Servisu Investigasaun Kriminál (DSIK) transporta suspeitu hamutuk ho evidensia hanesan karreta ida, laptop, aparelu starlink, telefone inklui ai- moruk balun ne’ebé deskonfia ba droga ne’ebé ekipa sira transporta mai iha edifisiu DSIK iha Komandu Jeral PNTL Caicoli Dili
Polísia Nsional Timor-Leste (PNTL) husi Diresaun Servisu Investigasaun Kriminal (DSIK) foti ona prosesu mandadu buska apreensaun no detensaun ho Nứmeru Uniku Krime NUC: 0053/26.PGGCC no halo detensaun ba suspeitu inisial HMP.
Enkuantu husi observasaun Jornalista Zeus News ne’e iha edifisiu Diresaun Servisu Investigasaun Kriminál (DSIK) iha loron Kinta ne’e ho oras mais ou menus15:25 Otl, ne’ebé husi ekipa DSIK no Forensik lori sidadaun estranjeiru mai iha edifisiu DSIK ho liman tau alzelma metin, nune’e ekipa seguransa akompaña no lori tama ba edifisiu DSIK hodi kontinua ba prosesu investigasaun no detein hodi hein submete ba Primeiru Interogatoriu Judisial.
Jornalista: Aniceto da Silva
