Dili, 23 Setembru 2026-Komisaun Rekrutamentu PNTL, kona-ba prosesu reverifikasaun dokumentus kandidatu PNTL 2026 ne’e Fundasaun Mahein (FM) konsidera la iha konsistente no transparensia ba kandidatu hotu, liuliu kona-ba verifikasaun idade, eskolaridade no validade dokumentus.
Diretor Ezekutivu Fundasaun Mahein (FM), Nelson Belo, konsidera komisaun Reverifikasaun Dokumentus ba kandidatus vaga PNTL 2026, failansu iha Politika, no implementasaun prosedimentu ne’ebé la ho rigorozu
“Fundasaun Mahein indentifika iha Failansu Politika tanba regulamentu no kriterius kona-ba rekrutamentu la konsistente, failansu implementasaun prosedimentu ne’ebé mak aprova la implementa ho maneira ne’ebé rigorozu ida uluk aplika sistema akumulativu derepente ba eliminatoriu” dehan diretor Ezekutivu Fundasaun Mahein (FM), Nelson Belo iha nia knaar fatin Hudi Laran
Nia hatutan, Ministeriu Interior (MI) fraku iha supervizaun hodi hamozu iregularidade iha dalan klaran, no komisaun sira mos fraku iha veifikasaun dadus, no laiha transparansia no responsabilidade
“Suvervizaun ne’ebé fraku husi Ministeriu Interior, ne’ebé lolos ne’e fo supervizaun ne’ebé maximu tau rekursu ne’ebé naton para rekrutamentu ne’e lao maibe supervizaun fraku iha dalan klaran hamozu iregularidade, verifikasaun dokumentu ne’ebé fraku entaun sistema atu konfirma dokumentu kualifikasun identidade kandidatu laiha Verifiksaun la klaru, Laiha tranparansia iregularidade grave tenke lori ba investigasaun, maibe laiha tranparensia regularidae kontinua akontese,” nia hatutan
Diretur Ezekutivu mos rekomenda ba parte kompetente atu estabelese komisaum rekrutamentu permante ne’ebé iha kapasidade hodi la bele iha intervensaun Politika ruma.
Ekipa Juri Rekrutamentu PNTL Identifika Sidadaun Estranjeiru Ida iha Lista Kadetes Foun
“ami rekomenda para tenke estabelese komisaun rekrutamentu permanente, iha kapasidade kona-ba rekursu humanu iha kapasidade mekanismu rekrutamentu, laiha intervensaun polika, hamentin supevizaum ne’ebé independente, desde inisiu to final tenke iha supervizaun mai husi Ministeriu Interior no ministeriu sira iha ligasaun para oinsa bele fo susesu ba rekrutamentu ne’e” nia hakotu
Jornalista: Mateus F. de Deus
