Dili, 28 Setembro 2026-Primeiru-Ministru (PM), Xanana Gusmão enkontru ho eis-xefe UNAMET (United Nation Administration Mission in East Timor) Ian Martin no Diretór ba produsaun filme istória rezistensia Timor-Leste Ian Martin, hodi hare’e hamutuk filme rezistensia ne’ebé antes halo lansamentu. Filme dokumentariu ne’e hahu husi periodu 1974-1999
Eis-xefe UNAMET, Ian Martin hatete, sente kontente no agradese ba governu Timor-Leste tanba fo konfiasan hodi sai responsabilidade ba filmajen konaba Istoria Resistensia nian ne’ebé hahu husi tinan 1974-1999 nian. Tanba objetivu husi enkontru ho Primeiru Ministru ne’e ko’alia kona-ba produsaun Filme Rezistensia Timor-Leste nian.
“Agradese ba Governu Timor-Leste, ha’u sente kontente tebes no responsabilidade bo’ot ba halo filme kona-ba istória Timor-Leste nian, istória rezistensia nian,” Dehan Diretór Produsaun, Ian Martin ba jornalista sira iha Palcio Governo, Segunda ne’e
Produsaun filme ne’e tanba servisu hamutuk ho Gabinete Primeiru Ministru (GPM), Muzeum Rezistensia no Arkivu Timorense, filme ne’e ba povu tomak la’os ba governu no la’os ba Muzeum Rezistensia.
Nia akresenta, filmajen ne’e foku liu ba filme istoria resistensia ne’ebé hahu husi tinan 1974 to 1999 no husi frente armada, frente diplomatika no frente klandistina nian
“Filme ne’e foku ba istória rezistensia nian hahú husi tinan 1974 to’o tinan 1999, istória husi Frente Armada, Frente Diplomatika no Frente Klandestina,” Hatete Ian Martin
Nia dehan, filme ne’e sei halo lansamentu iha loron 29 Setembro iha Timor Plaza no sei públika iha Rádiu Televizaun Timor-Leste (RTTL sigla português).
“Filme ne’e sei halo lansamentu aban iha Plaza no planu sei públika iha RTTL atu povu hotu-hotu bele hare’e no bele kompriende istória rezistensia nian,” Nia hakotu
Jornalista: Aniceto da Silva
