Dili, 20 Jullu 2026-Koordenador Saude CVTL, João Pinto Soares, hatete Cruz Vermella Timor-Leste (CVTL) sempre apoiu atividade ne’ebé estadu halo ka governu halo, tanba CVTL nu’udar auxiliar ba governu servisu hamutuk ho Ministériu Saúde hodi haree ba eventu Dili Maratona Internasional ne’ebé sei realiza iha dia 8 Agustu 2026.
“Los duni CVTL envolve no halo ona preparasaun namanas hela hamutuk ho Ministeriu Saúde liuhusi SNAEM.IP ho OMS sira prepara daudaun no prontu apoiu primeiru sokoru ba iha eventu Dili Maratona ne’e”, koordenador Saude CVTL hato’o asuntu ne’e ba jornalista sira iha knaar fatin Formoza Dili
Voluntáriu sira ne’ebé Cruz Vermella Timor-Leste (CVTL) apoiu ba atividade ne’e hamutuk 60 pessoa, ne’ebé pronto ona atu halo servisu, no sei koloka iha postu neen, kada postu destakadu ne’e voluntáriu na’in 10, hodi fo asisténsia primeiru sokoru iha eventu refere.
Fo asisténsia primeiru sokoru ne’e hamutuk ho SNAEM.IP ho OMS, voluntáriu sira ne’e apoiu iha primeiru sokoru ne’ebé koloka ona iha postu destakadu sira ne’e para haree no observa atleta sira bainhira partisipa iha eventu Dili Maratona Internasional ne’e.
Voluntáriu sira ne’e iha komunikasaun ba malu, bainhira presiza apoiu sira komunika ba malu, entaun eventu hala’o hahu husi Palacio Prezidente Nicolau Lobatu Aitarak Laran Dili to Cristu Rei entaun postu destakadu neen ne’e sufisiente, tanba voluntáriu sira treinadu.
Ekipamentus ba primeiru sokoru kompletu, ekipamentus ne’ebé antes uza hodi fo asisténsia ba vizita amu papa mai ne’e sei iha hela, para bele apoiu ba eventu ne’ebé sei realiza iha fulan oin.
Ekipa kobertura: Zeus News
