Dili 29 Maio 2026-Komandante Suprentendente Xefe Polisia João Belo Dos Reis hateten, kazu oho malu iha Bidau kuluhun deskonfia hadau Rai nune’e Sidadaun ho inisial Constaçio Saldanha Bere ho idade tinan 19 lakon vida
“atu hato’o dei’it informasaun balun relasiona ho kazu ida oho malu iha parte Bidau nian, ohin dadersan tuku rua madrugada, ekipa Forensik hetan kontaktu husi Populasaun sira iha area ne’eba, katak akontese kazu oho malu deskofia tanba rai, nune’e ekipa desloka kedas ba iha fatin ne’eba hetan sidadaun ida ho naran Constaçio Saldanha Bere mate iha fatin ho idade tinan 19, mate isin evakua ona ba mortuario hodi hein prosesu Autopsia” dehan Komandante Suprentendente Xefe Polisia João Belo Dos Reis, iha Komandu Jeral Kaikoli Dili
Komandante haktuir, agora daudaun ne’e Polisia Nasional Timor-Leste (PNTL) sei buka tuir autor ba kazu ne’e tanba Suspeitu halai
“Suspeitu agora ita sei buka tuir, espera ita bele kaptura iha tempu badak, iha ona informsaun, ekipa Forensik hamutuk ho Doutor sira iha Hospital Nasional Guido Valadares hein hela mandu autopsia ba prosesu autopsia nian” nia hakotu
Jornalista: Mateus F. De Deus
