Dili 28 Maio 2026-Festival TT Tasi Fest Tinan ida ne’e hametin liu tan relasaun amizade entre Timor-Leste ho nasaun visinu hanesan Indonesia no mos Komunidade Pais Lingua Portugues (CPLP) hodi hametin liu tan relasaun amizade ho Timor oan sira ne’ebé maka iha talentu kona-ba arte no musika
Alende iha konferensia imprensa ne’e Artista internasional sira hatudu sira nia sentimentu orgullu ba nasaun Timor-Leste ne’ebé maka konvida ona artista sira hodi halo festeza hamutuk ho sosiedade Timor-Leste liu husi eventu TT Tasi Fest iha Tasi-Tolu
Artista husi nasaun São Tomé Prinsipe ho naran koñesidu Calema liu husi, Fradique Mendes Ferreira, António Mendes Ferreira hato’o agradese ba komisaun organizadora TT Tasi Fest ba tinan ida ne’e, tanba bele fo tan oportunidade ba artista internasional Calema nia prezensa ba dala rua iha Timor-Leste
Objetivu simu konvite husi TT Tasi Fest ba tinan ida ne’e, tanba hakarak hametin liu tan relasaun amizade ho Timor-Leste, tanba nasaun Timor-Leste ne’e mos hola parte iha komunidasde Países da Lingua Portugues (CPLP)
“hau sente mais ba dala rua ida ne’e atu kontinua ligasaun ne’ebé maka eziste iha pais lusofonu sira kontinua mai iha Timor-Leste, tanba país ida ne’ebé maka furak riku ho imajem diak sira liu-liu tasi no foho sira, ne’ebé sai hanesan memoria mai ami nunka atu haluha Timor-Leste’’ dehan Calema iha konferensia Imprensa Hotel Timor
Iha fatin hanesan Artista legendariu Indonesia Iwan Fals hateten, nia kontinua espresa nia kontente ba nasaun Timor-Leste, tanba nasaun Timor-Leste sai ezemplu diak ba nasaun sira seluk
“Tasi ne’e diak no mos kapaz husi ne’e hare katak Timor-Leste ne’e hanesan fatin ida ezemplu ida ba nasaun seluk maka rai ne’e hadoben sira nia rai tanba tasi sira ne’e iha kotuk’’
Artista Austrálianu Guy Sebastian informa, dala uluk mai Timor-Leste fuan monu ba Timor-Leste tanba hare ba populasaun sira, no mos joven sira inklui kultura Timor ninia ne’ebé atraitivu kontinua halo nia hakarak kria nafatin memoria ho nasaun Timor-Leste ida ne’e
Eventu TT Tasi Fest tinan ne’e reliza ba dala tolu, dahuluk iha iha tinan 2024, daruak iha 2025 tinan ne’e ba dala tolu
Iha ambitu konferensia imprensa ne’e mos artista sira nafatin desafia Timor oan sira ne’ebé sosa ona billete ba eventu TT Tasi Fest atu partisipa iha konsertu tenke kuidadu nafatin ambiente Timor oan, liu-liu labele soe lixu iha fatin lixeira sira hodi garante nafatin Timor-Leste nia ambiente ne’ebé furak no rejiliente liu
Jornalista: Aniceto Da Silva
