Dili, 05 Outubru 2026— Eis-Xefe Missaun Nasoens Unidas iha Timor-Leste (UNAMET) hala’o enkontru ho Eis-Primeiru-Ministru Timor-Leste, Mari Alkatiri, iha Dili, hodi ko’alia kona-ba dokumentáriu Resisténsia, ne’ebé ko’alia luta Timor-Leste durante períodu 1975–1999 ne’ebé lansa ona Timor Plaza no aprezenta ona iha Arkivu no Museu Resisténsia Timor-Leste (AMRTL).
Dokumentáriu Resistênsia ne’e envolve entrevista ho ema no figura importante sira ne’ebé iha ligasaun ho istória no luta Timor-Leste.
Iha dokumentáriu ne’e, Mari Alkatiri mos hetan entrevista kona-ba nia esperiénsia no envolvimentu iha eventu istóriku sira iha Timor-Leste.
Enkontru ida-ne’e mos sai oportunidade ba parte rua atu fila fali hanoin no fahe lembransa kona-ba eventu sira iha tinan 1999, ne’ebé mos sai parte importante iha dokumentáriu Resistência.
Eis-Xefe UNAMET no Diretor ba Produsaun Filme Istoria Resistensia Timor-Leste, Ian Martin hatete, hasoru malu ida ne’e hodi koalia konaba filme resistensia ne’ebé lansa ona iha Timor Plaza no mos loke iha Arkivu Messeum Resistensia Timor-Leste ne’e. tanba iha dokumentasaun ne’e husi lider resistensia importante sira ne’ebé hetan intervista liga ho Istoria Resistensia sira
“Ohin, depois de tempu naruk, hau hasoru fali ho Sr. Mari Alkatiri. Vizita hau ba Timor-Leste iha oportunidade ida-ne’e relasiona ho dokumentáriu Resistênsia, ne’ebé antes lansa ona iha Festival Filme Internasionál no depois mos hatudu fali iha Museu Rezisténsia. Iha dokumentáriu ne’e, ema barak ne’ebé iha papel importante iha istória Timor-Leste hetan entrevista. Ida hosi sira mak Sr. Mari Alkatiri” dehan Eis Xefe UNAMET, Ian Martin ba Jornalista sira iha residensia Mari Alkatiri Farol Dili
Nia hatete katak, iha inkontru ne’e atu hanoin fila fali konaba lembransa ba eventu sira ne’ebé partisipa iha tinan 1999 ne’e
“Iha enkontru ida-ne’e, ami fila fali atu hanoin no fahe lembransa kona-ba eventu sira ne’ebé hau rasik esperiénsia no partisipa iha tinan 1999, ne’ebé mos hatudu iha dokumentáriu ne’e” Ian Martin hatete
Eis Primeiru-Ministru Mari Alkatiri hatete, konaba inkontru ida ohin ne’e koalia konaba filmajen ne’ebé lansa ona iha Timor Plaza no iha Arkivu Musseum Resistensia Timor-Leste (ARMTL) ne’e Eis-Primeiru-Ministru la marka prezensa tanba ne’e husu Eis Xefe UNAMET atu kopi video ne’e
“Ha’u seidauk hare’e filme ne’e, sira aprezenta tiha ona iha Timor Plaza ha’u la ba, no aprezenta iha muzeum rezistensia mós ha’u la ba, ha’u iha razaun tanba saida ha’u la ba, mais ha’u husu atu bele kopi filme ne’e,” Hatete Eis-primeiru-ministru Mari Alkatiri.
Jornalista: Aniceto da Silva
