Dili 27 Maio 2026-Ekipa konjunta kompostu husi N2 Naval, FALINTIL- Forsa Defeza Timor-Leste (F-FDTL) ho Ankor Unidade Polisia Maritima ne’ebé husi unidade Polisia Nasionál Timor-Leste (PNTL) nian iha Kuarta (27/05/2026), husi tuku 14:00 Otl, halo apreensaun ba sasan sira bandu ne’ebé sasan (kontra bandu) no detein mos suspeitu na’in tolu ne’ebé envolve transporta sasan kontra bandu sira ne’e husi Palaka-Bobonaro mai Dili.
Sasan kontra bandu ne’e transporta ho karreta baskolante ne’ebé ho sapa matrikula A 57072 ho naran (Pereira) ne’ebé tula bebidas mak hanesan Coca-Cola kaixa 110, Sprite kaixa 13, Krating Daeng kaixa 13, Pocari Dos 11, Cạp K Kaki Tiga Dos 4 no Milko karon 28 (280 box) ne’ebé konsidera fo prezuiju ba estadu.
Tanba ne’e ekipa konjunta husi N2 ho Ankor asegura sasan ilegal hirak ne’e no transporta kedas ba iha Komandu Jeral PNTL iha Diresaun Servisu Investigasaun Kriminal (DSIK) hodi submete ba prosesu indentifikasaun ho investigasaun.
Polísia Diresaun Servisu Investigasaun Kriminal foti ona prosesu ho krime kontra bandu ho Nứmeru Uniku Krime (NUC) 0199/26.PNSIC no halo detensaun ba suspeitu na’in-tolu ho inisial DA, AA no RD iha sela DNSIK molok entrega ba autoridade Polisia Bobonaro hodi kontinua aprezenta ba Tribunal Judisiál Primeira Instánsia Covalima (TJPIC).
Enkuantu Tuir informasaum husi fontes servisu sekreta sira katak suspeitu na’in-tolu hatama sasắn ilegal ne’e husi Palaka, Munisipiu Bobonaro atu lori mai iha Dili nune’e ekipa konjuta prende iha Tibar Munisipiu Likisa
Jornalista: Aniceto da Silva
