Dili, 10 Outubru 2026 — Partidu Demokrátiku (PD) fó posse ba membru Movimento Profissional Demokrátiku (MPD) na’in 268, ho objetivu atu hametin estrutura organizasaun no konsolida movimentu iha nivel baze, hodi aumenta partisipasaun membru sira iha atividade polítika no dezenvolvimentu nasaun nian
Atividade ne’e sai nu’udar etapa importante ida ba PD atu kontinua konsolida nia baze partidária, hametin unidade entre membru sira no haforsa servisu organizasaun iha nivel komunidade.
Liu husi pose ne’e, membru MPD sira hein katak bele hala’o sira-nia responsabilidade ho seriedade, disiplinu no kompromisu, hodi kontribui ba implementasaun programa no objetivu polítiku husi Partidu Demokrátiku (PD) nian.
Presidente Movimentu Profissional Demokrátiku (MPD), Joaozinho Conçeição hatete katak, Movimentu Profissional Demokrátiku (MPD) marka tan historia ba jornada husi loron 4 fulan Setembru 2016 ne’ebé tama ona ba tinan 10. MPD sai hanesan liras ba Partidu Demokrátiku (PD) hodi fortifika Partidu iha nivel nasional no iha nivel munisípiu sira
“Kompanheiru/a sira ohin Movimentu Profissional Demokrátiku marka tan historia jornada involvimentu Movimentu Profissional Demokrátiku desde loron 4 fulan Setembru 2016 to ohin loron 10 anos 7 mezes ezistensia Movimentu Profissional Demokrátiku hanesan liras Partidu Demokratiku ka orgaun otonomo iha Movimentu Profissional Demokrátiku iha estatutu Partidu Demokratiku, hola knaar hanesan orgaun otonomo liras Partidu atu fortifika Partidu iha nivel nasional ho nivel munisípiu” dehan Presidente MPD, Joaozinho Conçeição iha CNE Salaun Laline Larigutu
Presidente MPD ne’e mos husu membru sira atu hatene papel Movimentu Profissional Demokrátiku (MPD), iha partidu tanba Movimentu Profissional Demokrátiku ne’e iha nia papel ne’ebé fundamentu teb-tebes iha partidu Demokratiku hodi promove koezaun interna iha MPD no mos iha Partidu Demokrátiku (PD).
Nia dehan katak papel Movimentu Profissional Demokrátiku ne’e sai importante hodi hametin Partidu Demokrátiku nia estrutura no labele fahe malu hodi koalia Partidu nia at ho lideransa sira iha Partidu Demokrátiku ne’ebé iha estrutura nia laran
“Movimentu Profissional Demokrátiku iha nia papel fundamentu teb-tebes iha Partidu Demokratiku ida promove koezaun interna iha Movimentu Profissional Demokrátiku no iha partidu Demokratiku ne’e importante teb-tebes ita presiza promove ida ne’e para ita labele fahe malu para ita labele halo feking para ita labele toksis iha kotu-kotuk lider ne’e ladiak lider ne’eba ladiak hotu-hotu kontribui ba partidu Demokratiku hodi haboot Partidu Demokratiku. Objetivu maka aposta ba estadu kontribui ba estadu ida ne’e mak papél ida iha Movimentu Profissional Demokrátiku” dehan Presidente MPD
Enkuantu papel ida husi Movimentu Profissional Demokrátiku (MPD) ne’e hodi kontinua movimenta ema Profissional sira iha área hotu-hotu ne’ebé hamosu koordenador jeral 5 ne’ebé sai hanesan liman ain iha Movimentu Profissional Demokrátiku
Koordenador Jeral Propaganda Politika (KJPP), Koordenador Jeral Tematiku KJT), Koordeandor Jeral Profisaun (KJP), Koordenador Jeral Area Estudantil (KJAE) no Koordenador Jeral Brigada Profissional Demokrátiku (KJBPD)
Iha koordenador 5 ne’e atu akumula ema Profissional sira hodi hasoru polítiku sira iha tempu kampaña no mos iha debate publiku ne’ebé iha nivel akademiku sira atu haforsa Movimentu Profissional Demokrátiku (MPD) liu-liu iha Partidu Demokrátiku (PD) nia laran
Iha fatin ne’e Presidente Interinu Partidu Demokratiku, Samuel Mendonça hatete katak, emposada sira marka tan historia foun ba Movimentu Profissional Demokrátiku (MPD) iha Partidu Demokratiku (PD) hanesan mos sira uluk halo marka historia ba Partidu Demokrátiku (PD)
“Ita boot sira ohin marka historia hanesan mos uluk ami marka historia ba partidu Demokratiku, uluk Partidu Demokrátiku hari iha loron 10 Juñu 2001 hau sei 30 anos ita boot sira balun tuir hau 24 25 iha i balun foin ba 16 balun ba 17 ona ida rua ba 16 ba 17 seluk seluk idade sae ona” dehan Presidente Interinu Partidu Demokratiku, Samuel Mendonça
Nia dehan katak, emposada sira ne’ebé simu ona toma de posse ne’e aumenta tan iha Partidu Demokratiku (PD) hodi haforsa estrutura nasional no iha munisipiu sira tanba imi sai kontinuador ba Partidu Demokrátiku no imi mak sai nain ba partidu Demokratiku ida ne’e
“Ohin imi mai aumenta tan hodi to loron ida ami kuandu reforma politika imi sira ne’e sai kontinuador ba iha partidu demokratiku tanba hahu ohin ba oin nain mak imi la’ós nain ema seluk ona” nia haktuir
Representante Empossda, Maria Imaculada da Conçeição Soares afirma katak, hanesan joven kontenti tanba bele hetan oportunidade hodi simu tomak de posse iha Movimentu Profissional Demokrátiku (MPD) husi Partidu Demokratiku (PD) nian tanba joven mak sai dezenvolvimentu no futuru ba nasaun nian
“Hanesan joven ida hau senti kontenti tebes tanba ohin loron bele marka prezensa iha ne’e aumesmu simu mos toma de posse ita hare ba iha diskursu ohin ita ninia presidente interinu koalia katak, hau foti liafuan ne’ebé maka importante katak joven mak sai hanesan futuru ba nasaun nian tanba joven lalika hare deit ba iha problema maibe joven mak sai hanesan solusaun ba iha problema, tanba Movimentu ida ne’e hanesan partidu joven nian no Movimentu joven nian tanba bele akumula joven sira ne’ebe maka mai ho kapasidade mai ho kreatidade ne’ebé oi-oin hodi kontribui ba iha Movimentu ida ne’e hodi bele kontribui iha ita nia nasaun ida ne’e” nia haktuir
Jornalista: Aniceto da Silva
