Dili, 26 Maiu 2026-Ministru Defeza Kontra-Almirante, Donaciano da Costa Gomes “Pedro Klamar Fuik” hatete instalasaun ba Ospitál Militár (OM) ne’ebé tinan kotu asina ona ho protokolu konstrusaun entre Xina no Timor-Leste tinan ne’e sei hahú nia prosesu konstrusaun ba Ospital Militar (OM) ne’e
“Hanesan ita-boot sira hatene katak instalasaun ba ospitál de amizade Xina no Timor-Leste ka bolu dehan ospitál militár ne’ebé maka ita asina de protokolu da konstrusaun iha tinan kotuk, hanesan ha’u hatete bebeik Tinan ida ne’e komesa nia prosesu konstrusaun, bain rua hanesan ne’e tékniku sira to’o iha ne’e.” Dehan Ministru defeza (MD), Pedro Klamar Fuik ba jornalista sira iha Ministériu Finansas Aitarak-Laran Dili
Donaciano informa, tekniku sira prepara dezeñu no sei konsulta ba Governu Timor-Leste no presiza tekniku balun hodi defini modelu sira, tanba ne’e tekniku husi Xina hamutuk 10 halo estudu ba dezeñu ne’e fulan ida
“ne’ebé sira prepera dezeñu sei konsulta ko’alia ho ita-nia governu, ho tékniku balun sira tan ne’ebé mak presiza para depois defini modelu, defini estrutura kondisoens hotu-hotu ne’ebé presiza ba iha ospitál ne’e idepois kuandu dezeñu, sira fila ho ona dezeña ne’ebé preparadu para depois bele lori ba para sira halo desizaun bainhira mak komesa konstroi.” Nia afirma
Nia dehan, Ospitál Militár ne’e doasaun husi parte governu Xina no governu Timor-Leste maibe bele dehan husi povu Xineses ba povu iha Timor-Leste.
Governante ne’e garante katak tinan ne’e sei inísia konstrusaun ba Ospitál Militár (OM) ne’e no sei inaugura iha tinan 2027, tarde liu tinan 2028.
Enkuantu edifisiu Ospital Militar (OM) ne’ebé sei halo konstrusaun iha resintu Militár Defeza (OM) nian, maibe iha parte individu balun nia reklamasaun hatete katak maibe ne’e sei bele rezolve tanba Ospitál Militar ne’e loke ba ema barak nia di’ak no hakarak.
Jornalista: Mateus F. De Deus
