Dili, 25 Juñu 2026-Diretór Ezekutivu Forum Organizasaun Non Governamental Timor-Leste (FONGTIL), Inocencio Xavier husu ba Ministériu Saúde (MS) atu halo klarifikasaun konaba moras diagnósa Eis Prezidente Repúblika Demokrátika de Timor-Leste Saudozu Francisco Guterres Lú-Olo nia moras to’o nia lakon vida.
Kona-ba situasaun ne’e, sosiedade sivíl preokupa tanba to’o agora seidauk halo konferénsia Imprénsa hodi publika diagnósa kona-ba Saudozu Lu Olo nian.
“Ho situasaun sira hanesan bainhira governu liu-liu ospitál HNGV la fó sai rezultadu junta médiku ne’e prekupa, ha’u rona katak ohin Hospoitál Nasionál Guido Valadares ho Ministériu Saúde atu halo komunikadu Imprénsa ida la konsege halo razaun saida keta subar buat ruma, ida-ne’e la bele” dehan Diretór Ezekutivu FONGTIL Inocencio Xavier ba Jornalista sira iha Farol, Konta (25/06).
Tanba ne’e husu ba Ministériu Saúde atu hatudu servisu responsabilidade, tanba Veteranus no públiku lakon ona konfiansa.
“Ha’u hanoin Ministériu Saúde iha responsabilidade ne’e hatudu situasaun katak ita nia saúde iha problema duni, ho resultadu ne’ebé mak sira fó sai ba feto halo veteranus sira,ha’u hatene ba ita boot sira veteranus sira deskonfia makaas” nia preokupa.
“Dala ruma sira ta’uk lakohi ba ospitál ha’u fiar ida ne’e, ha’u fiar katak veteranus sira ne’ebé mak agora dadaun iha ne’e tanba ita haree husi komandante Mau-calo nia mate ne’e mós atrazu agora tama doutór Francisco Guterres Lu-Olo ida ne’e mós tanba atrazu tanba hein desizaun”
Nia informa, parte saúde la bele halimar ho bioriokrasia hodi estraga ema nia vida, obra ukun rasik husik sira povu nia obra mais veteranu sia mak lidera ukun rasik aan.
Nia haktuir, durante ne’e, akompaña reajen husu veteranus sira hanesan katuas Alin-laek, katuas Tera-Bulak, Teki-Timor inklui Xefe Suku Madohi, ne’ebé preokupa atu junta médiku husi Hospitál Nasionál Guido Valadares atu iha deklarasaun ruma husi governu liu-liu doutór sira ne’ebé mak durante ne’e akompaña Saudozu Doutór Francisco Guterres Lu-Olo, nia prosesu tomak durante ne’e.
“Primeiru señór Lu-Olo la’ós ema baibain mezmu ke ema baibain maibé família tenke hatene família sempre bolu esplika kona ba tratamentu to’o iha ho problema hanesan ne’e agora ida ne’e, sá tan nia líder estudu mak mate entaun povo Timor presiza atu hatene,la bele ema hela ho duvidas ida-ne’e mak, bele kore sai duvidas so Junta Médiku fó bele hatene” nia esplika.
“Maske Governu Timor-Leste ho Malázia halo ona akordu maibé too seidauk iha resultadu, ha’u mai admira no hakfodak polítika, ha’u la hatene akordu tanba Malázia adieta buat ruma tanba mate iha nia fatin, tuir lolos ospitál ida ne’e halo kordenasaun ho Embaixada, Tanba ita nia Embaixada reparezenta ita nian estadu ho ita nia doutór sira ne’ebé mak akompaña atu bele fó sai informasaun previa hodi povu bele hatene ne’e” nia hatutan.
Tuir étika deontolojia ne’ebé iha obrigasaun no dever katak, junta médiku bainhira akompaña pasiente sira ba rai li’ur halo deklarasaun kona-ba sintomas diagnósa sira ne’ebé pasiente hasoru.
“entaun povo presiza hatene tanba kualidade matebian nia la’ós ema baibain para ema la bele hela ho konfusaun mais tenke hela ho esklaresidu no hela ho resposta klaru ba kazu ida ne’e, se lae Ministra sente buat ida lakon” deklara Diretór Ezekutivu.
Antes ne’e, Media ofisiál husi Hospital Nasionál Guido Valadares (HNGV) pasa ajenda ba jornalista sira katak, Vise-Ministru Fortalesimentu Instituisional Saúde, José Magno, ho diretór Jerál Servisu Kooperativu Ministériu Saúde nomós Konsellu Diretiva HNGV atu halo konferénsia Imprénsa iha oras 16:54 hodi anúnsia diagnósa kona-ba Saudozu Francisco Guterres Lú-Olo nian maibé derepente hetan kontaktu husi Ministra Saúde Élia dos Reis Amaral hodi deside kansela ajenda konferénsia Imprénsa.
Nune’e, bainhira jornalista to’o iha sala enkontru ne’ebé bai-bain media sira entrevista. Maibé hein too horas ida ho balun parte funsionariu HNGV balun hateten ho lian neineik katak dalaruma adia Konferensia Imprensa ba loron seluk.
Maske rona ona katak kansela ajenda ne’e, maibé Jornalista sira konfirma nafatin Diretór balun ne’ebé sai husi sala enkontru ne’e, maibé nia informa de’it sei halo mundansa ba oráriu.
Maske nune’e jornalista sira hein nafatin to’o tuku 18:50 Otl, maibé la iha informasaun husi Ministériu Saúde.
Jornalista: Aniceto da Silva
