Dili, 21 Juñu 2026-ekipa Fundasaun Ran Amigu Karidade (FURAK) lidera husi Januraio Soares hakat ba Aldeia Halidolar, Suku Hera, hodi halo asaun karidade ba kbi’it laek Orlanda da Cruz, ne’ebé tinan 14 ona hela de’it iha uma fohuk ida nia laran nune’e ekipa Furak promete halo uma ba kbiit laek iha Suku Hera, Aldeia Halidolar, Postu Cristu Rei, Munisipiu Dili
Matawen tristeza nian hasoru malu entre Janurio Soares ho kbi’it laek Orlanda da Crus iha uma fohuk ne’ebé kbi’it laek Orlanda hamahan an ba hodi hare kondisaun uma nian ne’ebé grave tebes, Janurio kompromete sei hari uma ida ba kbi’it laek Orlanda iha tempu besik
“ami plano hela ida ne’e, laos estadu nian, joven sira ne’e mak hamutuk halo duni uma ne’e, ami atu halo ona mak ami kontaktu kuidadu saude didiak de’it para ami halo uma” dehan Januario Soares iha Suku Hera Aldeia Halidolar
Inan Faluk Orlanda da Crus, agradese ba asaun karidade ne’ebé oferese husi Fundasaun Ran Amigu Karidade (FURAK) ho nia ekipa, ne’ebé lidera husi Januario Soares, tanba bele tulun ona nia nesesidade loron ida rua nian, no agardese tebes ba fundasaun FURAK ne’ebé kompromete atu hari uma ida ba nia hodi troka uma ne’ebé fohuk dadauk ona,
“hau nia oan sira to mai iha ne’e hau nia moris mak hanesan ne’e duni, hau husu agradese, no hau husu ba oan Januario atu halo uma ida hau atu hela, tanba uma ne’ebé agora dadauk hau hela ba ne’e fohuk hotu ona no udan mai tun ba uma laran, hela toba fatin de’it mak la bokon” haktuir kbi’it laek Orlanda da Crus
Maibe antes ne’e liu husi notisia ne’ebé publika husi Zeus News, dada ona atensaun ema lubun ne’ebé ne’e ba tulun hanesan, Agensia Zeus Travel, funsionario balun husi tradutor Konsellu Ministru, inklui Januario Soares, ne’e ajuda ona sasan nesesidade baziku ba kbi’it laek Orlanda da Crus
Jornalista: Mateus F. de Deus
