Dili, 29 Juñu 2026-Tribunál Judisiál Primeira Instánsia Dili (TJPID), submete julgamentu primeiru interogatóriu ba sidadaun Indonézia na’in 61 ba kazu Scam Call Center iha Tibar nune’e Ministeriu Publiku (MP) Pomove ba kazu haat
Iha sala audiénsia julgamentu, Ministeriu Públiku (MP), liuhusi Prokuradór Matias Soares, promove akuzasaun ba krime haat hasoru arguidu na’in-61 ne’ebé suspeitu envolve iha atividade Scam Call Center iha Tibar. Arguidu sira ne’e hetan detensaun liuhusi operasaun buska no apreensaun ne’ebé autoridade seguransa hala’o iha sexta-feira foin lalais (26/06/2026
Ministeriu Públiku (MP) promove akuzasaun hasoru arguidu sira ba krime asosiasaun kriminozu, tuir artigu 188 krime explorasaun ilisitu ba jogu, artigu 322 krime brankamentu kapitál, artigu 313 krime fraude fiskál no artigu 314 husi Kódigu Penál Timor-Leste.
Enkuantu ba arguidu na’in 61 ne’e ho naran inisiál DRW, AV, HAA, GA, AW, MR, NU, SF, DAM, LH, RKL, AR, UHSD, WP, GS, AS, E, MIT, SDL, RH, MI, SEBA, ARP, VR FS, MS, MS, IM, AS, W, SR, MSFS, MAD, A, BF, MRS, ABS, R, JR, LTM, FR MR, R, AS, ACY, JRD, MRP, G, MRS, UR, SS, AM, KLT, S, R, RJ, K, AS,H no D.
Tribunál liuhusi Juiza Turnu, Ercilia de Jesus, dadaun ne’e foin halo identifiksaun ba arguidu nain rua RW no AV.
Ba kazu ne’e, Ministériu Públiku rejista ho NUK: 227/26.PNSIK ho tipu krime kazu ositu droga.
Entretantu kazu ne’e akontese iha loron Sesta feira (26/06), haleu tuku 8:00 otl dader, iha momentu ne’ebá Polísia Nasionál Timor-Leste (PNTL), liuhusi Diresaun Servisu Investigasaun Kriminál (DSIK), deteta atividade ida ne’ebé deskonfia iha área Tibar, Postu Administrativu Bazartete, Munisípiu Liquiçá, fatin ne’ebá sidadaun estranjeiru balun uza hodi hala’o atividade Scam Call Center, bosok ema.
Tanba ne’e polísia halo kedan apreensaun no buska, konsege detein suspeitu na’in -61 no prende objetu krime hanesan laptop, telemovél no Starlink ne’ebé suspeitu sira uza hodi halo atividade ilisitu Scam Call Center.
Jornalista: Mateus F. de Deus
