Dili, 29 Agostu 2026- Arif Abdullah Sagran, rekoñese nia sala hodi husu deskulpa ba povu Timor-Leste no Heroi sira, tanba nia hasai liafuan iha media sosial dehan “Timor-Leste Tiba-tiba Merdeka” ne’e mak sai preokupasaun boot ba publiku nia hanoin hodi hamosu no atake liafuan sira hasoru nia media sosial, tanba ne’e komunidade ka joven sira halo asaun hasoru iha madrugada dadersan 29 fulan Agostu 2026
Arif Abdullah Sagran, halo deklasaun liu husi komunikadu imprensa hodi husu deskulpa ho haraik an ba povu Timor-Leste no Heroi sira ne’ebé fo an ba rai ida ne’e hodi Timor-Leste sai independénsia.
“Hau Arif Abdullah Sagran, hau mai iha fatin ne’e bolu ita boot sira atu hato’o hau nia sensiru pedidu deskulpa ba hau nia liafuan ne’ebé mak sai iha media sosial relasiona ho intervista ne’ebé hau halo iha fulan balun liu ba kotuk ne’e, hau rekoñese katak liafuan ne’ebé maka hau koalia sai sala no hau rekoñese liafuan ne’ebé kria ofense ba povu no nasaun Timor-Leste” dehan Arif Abdullah Sagran iha nia residensia Markoni Dili
Alende ne’e nia klarifika ba publiku katak liafuan ne’e laos ho intensaun, tanba ne’e husu deskulpa ba povu Timor-Leste tomak no luta nain sira inklui mos ba familia martires luta nain
“hau hakarak klarifika katak laos hau nia intensaun halo hanoin. Ba povu tomak nasaun Timor-Leste mak hau hadomi hau husu deskulpa ba povu Timor-Leste tomak ba luta nain sira hotu no mos ba familia saudozu luta nain sira hotu hau husu deskulpa ba nasaun Timor-Leste tomak ba dala ida tan hau Arif Abdullah Sagran” nia klàrifika
Jornalista: Aniceto da Silva
