Dili, 27 Agostu 2026-Ekipa Konjunta husi Polisia Nasional Timor-Leste (PNTL) liu husi Diresaun Servisu Investigasaun Kriminál (DSIK), Servisu Migrasaun no Polisia Nasional Informsaun desmantela tan sidadaun estranjeiru hamutuk 16 tanba komete kazu ilegal Scaming Call Center iha hotel California Metiaut, Postu Cristu Rei, Munisípiu Dili
Porta-Voz Superintendente Xefe Polísia, João Belo dos Reis relata informasaun ba publiku konaba operasaun konjunta ne’ebé husi Diresaun Servisu Investigasaun Kriminál (DSIK), Diresaun Servisu Informsaun Polisia (DSIP) no Servisu Migrasaun halo iha loron 26 Agostu 2026 iha area metiuat ne’e.
“partilha nafatin informasaun husi Policia ba Publiko Hamutuk fila fali ho hau Portavos Policia nasional Timor Leste hodi hato’o informasaun importante kona-ba operasaun konjuntu ne’ebé mak ekipa husi Diresaun de Servisu de Investigasaun Criminal (DSIC), Diresaun de Servisu de informasaun Policia (DSIP), no Servisu de Migrasaun, halo halo operasaun horikalan dia 26 de Augusto 2026” dehan Porta-voz Superintendente Xefe Polísia, João Belo dos Reis iha Komandu Jeral Caicoli Dili.
Iha operasaun Kontra Scam Call Centre Polisia Monitoriza atividades suspeitadu ba krime organizadu durante loron barak ba iha hotel ida lokalizadu iha area Metiaut porvolta oras 11.00 otl.
Nia dehan, husi operasaun konjunta ne’e lidera husi Superintendente Assistente Polisia Almeiro Quintas hodi halo operasaun ne’ebé kontra Flagrante delito no kontra sentru telekomunikasaun fraudulentu mak Scamin Call Center ne’ebé halao iha hotel California Metiaut
“Ekipa konjuntu nebe mak lidera husi Superintendente Assistente Policia Almeiro Quintas, halo operasaun flagrante delicto kontra sentru telekomunikasaun fraudulentu (scam call centre) ne’ebé mak realiza nia atividade kriminal iha area Metiaut, espesifiku iha laran husi Hotel Ida” nia dehan
Nia hatete, liuhusi operasaun konjunta ne’e ekipa halo kapturasaun husi sidadaun estranjeiru nain 16 ne’ebé kompostu husi, sidadaun Xina nain 7, Myanmar nain 7, Vietnam nain 1 no Suriname nain 1 inklui mos Feto 1 Mane 15 ne’ebé halao atividade Scaming Call Center ne’e.
“Operasaun nee rezulta iha kapturasaun husi sidadaun estranjeiru nain 16 (sanulu resin neen), nebe mak kompostu husi: Feto nain 1 (ida), Mane nain 15 (sanulu resin lima). Sira nia orijen mak hanesan tuir mai: Sidadaun China: nain 7 (hitu). Sidadaun Myanmar: nain 7 (hitu). Sidadaun Vietnam: nain 1 (ida) Sidadaun. Suriname: nain 1 (ida).” Nia hatete
Prosesu halo kapturasaun, ekipa konjuntu transporta kedas suspeitu sira ba iha DSIC hodi halo prosesu identifikasaun kompletu. Depois identifikasaun, suspeitu sira asegura kedas iha Sela Detensaun Komando Policia, Munsipio Dili, hodi garante sira nia detensaun no seguransa durante prosesu investigasaun.
Rejistu Kazu no Prosesu Judisial Kazu ne’e DSIC rejista ona ho Numeru Uniku kazu (NUC 0324/26- PNSIC). Prosesu investigasaun ne’e sei kontinua ho dokumentu sira ne’ebé relasiona ho kazu ne’e sei submete ba Ministério Publicu (MP) hodi halo avaliasaun no prosedimentu judisial tuir lei ne’ebé aplika.
Komandu Polisia Nasional Timor-Leste (PNTL) reafirma nia kompromisu atu kontinua halo operasaun sira ne’ebé nesessariu atu kombate atividade kriminal, inklui krime sira ne’ebé relasiona ho teknolojia no telekomunikasaun.
Porta-Voz informa ba komunidade hodi kontinua kopera ho autoridade seguransa sira bainhira hetan informasaun liga ho atividade Scaming Call Center ne’ebé iha imi nia area ka bairo informa ba autoridade seguransa sira ne’ebé besik liu
“Ami apela ba komunidade atu kontinua koopera no reporta ba autoridade se ita-boot sira hetan informasaun kona-ba atividade suspeitu iha ita-boot nia area. Hau agradese liu tan ba ekipa konjuntu nebe mak envolve iha operasaun nee, inklui DSIC DSIP,no Servico de Migracão, ba sira nia profisionalizmu no dedikasaun atu garante seguransa no justisa iha ita-boot nia nasaun” nia informa
Jornalista: Aniceto da Silva
