Dili, 26 Agusto 2026-Ministériu Saúde servisu hamutuk ho Organizasaun Saúde Mudiál iha Timor-Leste prepara media nasional sira no realiza media briefing ba Jornalista sira hamutuk na’in 30 molok halo kobertura ba enkontru Komité Rejionál SAERO ba da79 ne’ebé sei realiza iha Timor-Leste hahú husi loron 7 to’o 10 Setembru tinan 2026.
Diretór Jerál Servisu Kooperativus iha Ministériu Saúde, Narcisio Fernandes hatete, ohin Ministériu Saúde hamutuk ho Organizasaun Mundiál Saúde (OMS) iha Timor-Leste realiza média briefing ba Jornalista molok halo kobertura ba enkontru komité Rejionál SAERO ba da79 iha Timor-Leste.
“Objetivu enkontru ne’e Ministériu Saúde hamutuk Organizasaun Saúde Mudiál iha Timor-Leste komvida média tanba ajenda primeriu ita sei foka liu relatóriu AI no tuir kedas ho ajenda kona-ba programa no Governasaun, tanba atividade ne’e enkontru ne’e sei akontese iha loron 07 to’o 09 mai ne’e, sei mai husi estadu membru na’in nasaun 9 husi SEARO nian no enkontru ne’e sei partisipa mós husi Nasaus Unidas no mós husi Sosiedade Sivíl” dehan Diretór Jerál Servisu Kooperativus iha Ministériu Saúde, Narcisio Fernandes iha Sala enkontru OMS Caicoli
Programa ne’ebé sei hahú iha nasaun Timor-Leste no sei hahú iha loron 07 no serimónia abertura sei hala’o husi CCD, hafoin ne’e sei tuir kedas ho reuniaun negósiu, ne’ebé sei hala’o husi loron 07 to’o loron 10 reuniaun ne’e sei halo iha Palm Spring.
Nia informa, papél media nian importante, tanba ne’e Ministériu Saúde (MS) hamutuk Organizasaun Saúde Mudiál (OMS) konvida media sira atu partisipa média briefing, tanba média sira mak matan no tilun ba komunidade sira.
“Ita konvida média atu partisipa no sai mós parte husi enkontru RC 79 ne’ebé importante tebes ne’e, atu nune’e média sei kontinua fahe no atualiza informasaun kona-ba progresu no atividade sira husi RC 79, media sei fahe ka fornese informasaun kona-ba objetivu husi enkontru RC nian, hahú husi loron *7 to’o loron 10 Setembru,”nia informa.
Nia afirma, objetivu sira ba iha enkontru komite Regional, partisipasaun media nian sei serve mós ba rezultadu finál husi enkontru RC.
“Tanba ne’e, ami hakarak mós enkoraja ita-boot sira media, ami husu partisipasaun media nian durante atividade hotu-hotu, hahú husi loron dahuluk to’o loron ikus enkontru nian iha Setembru, ho nune’e ami husu atu kontinua fó informasaun no atualiza loron ba loron kona-ba progresu no diskusaun sira ne’ebé ita halo. Maibé ba ajenda balun ne’ebé espésifiku, ami la fó lisensa ba media atu foti, Tanba ne’e konfidensiál ba estadu membru sira no inklui mós ajenda balun ne’ebé taka ba média,” Nia afirma.
Iha fatin hanesan Reprezentante Organizasaun Saúde Mudiál (OMS) iha Timor-Leste Arvind Mathur informa, iha loron 07 fulan Setembru sei iha abertura RC ba dala 79 OMS sei foka ba dialogu saúde Global nian.
“Ba ita-boot sira ne’ebé ha’u la haree iha ekrán, maibé ne’ebé mós partisipa online. Liu-liu ba ita-nia belun sira husi média, husi nivel nasionál, rejionál no globál, ne’ebé partisipa ho ami ohin, tanba ne’e mak OMS Workshop sensibilizasaun ba media kona-ba Sesaun da-79 Komité Rejionál WHO nian iha Sudeste Aziátiku – RC 79,” informa Reprezentante Organizasaun Saúde Mudiál iha Timor-Leste Arvind Mathur.
Nia dehan, enkontru ne’e organiza hamutuk ho OMS Rejionál Sudeste Aziátiku, tanba OMS Timor-Leste atu sai uma na’in ba RC 79 ne’e iha Dili Timor-Leste
“Ida ne’e onra boot ida no mós oportunidade bo’ot ida. Ho ida ne’e ami husi nasaun iha sentru dialogu saúde global no rejionál, atu hatudu ita-nia progresu, fahe esperiénsia no mós aspirasaun ba rejiaun sira, no importante liu mak atu halo rede, aprende husi estadu Membru sira seluk,” Nia dehan.
Nia haktuir, Susesu RC 79 nian la’ós de’it iha sala konferénsia laran, susesu ne’e dependente mós ba diskusaun, desizaun no mensajen sira to’o ba públiku.
“Ne’e mak ami-nia kolega sira husi ekipa komunikasaun nian, no liuliu ita-boot sira média, iha papél vital tebes. Ita mak parseiru atu informa no objetivu Workshop ohin nian mak atu fó ba media kontekstu, mensajen prinsipál sira kona-ba Komité Rejionál da-79 no mós ajenda, prioridade sira, no mós oportunidade sira ba media. Tanba ne’e husu ba média atu partisipa ativu, atu halo reportajen ho klaru, balansu no ho perspetiva” nia haktuir
Jornalista: Aniceto da Silva
